არ არის გაყიდვაში

როგორ ავირჩიოთ ტრენაჟორი გასახდომად?

თუ ადამიანს არ შეუძლია ზედმეტი კილოგრამებისგან გათავისუფლება და ამისათვის სპეციალისტების რეკომენდაციებიც არ არის საკმარისი, მას რჩება ყველაზე ეფექტური და ჯანმრთელი წონაში კლების მეთოდი - ვარჯიში ტრენაჟორზე. დაგვეთანხმებით, სპორდარბაზში სიარული ბოლომდე კომფორტული არ არის. ხშირად ვამჯობინებთ ვივარჯიშოთ სახლში იმ დროს, როცა ამის საშუალება გვაქვს, კომფორტულ და ჩვენზე მორგებულ პირობებში. ამიტომ გთავაზობთ სტატიას, სადაც გასწავლით როგორ შევარჩიოთ ტრენაჟორი გასახდომად და რა კრიტერიუმებით ვიხელმძღვანელოთ მისი შეძენისას.

11

ყველა სახლის ტრენაჟორი იყოფა სამ ჯგუფად:

• აქტიური - გულისმობს აქტიური მოძრაობების სავარჯიშოებს და არსებობს ორი სახის: მექანიკური და ელექტრონული.
• ძალოსნური - ვარჯიშებისთვის, რომელიც ფიზიკურ ძალას მოითხოვს. ამ ჯგუფში მექანიკური ტრენაჟორები უფრო ხშირად გვხვდება, მაგრამ არსებობს ელექტრო ან აკუმულატორზე მომუშავე მოწყობილობებიც.
• პასიური - ცხიმოვან ქსოვილს შლის ყოველგვარი ძალისხმების გარეშე. მუშაობს ელექტროდენზე ან ელემენტებზე. ყოველი მათგანი მიცემულ დავალებას კარგად ასრულებს - წვავს დაგროვილ ცხიმს, მაგრამ ყველაზე ეფექტურად ითვლება პირველი ორი ჯგუფის ტრენაჟორები. პასიური ჯგუფი კი აჩქარებს გახდომის ბუნებრივ პროცესებს, მაგრამ ეფექტურია მხოლოდ დამატებითი დატვირთვის პირობებში.

ეფექტური სახლის ტრენაჟორების სახეობები:

ელიფსური - მასზე ვარჯიშებს ასრულებთ ფეხზე მდგომი და მასში ასე თუ ისე ჩართულია ხელები და ფეხები. ის თითქმის ყველა კუნთზე მოქმედებს, ამიტომ იდეალურია ფიგურის სწრაფი კორექციისთვის. აქვს მუშაობის რამდენიმე რეჟიმი, რომელთაგანაც ყველა მათგანი ამაღლებს/ამცირებს დატვირთვას. ტრავმის მიღების ალბათობა ვარჯიშის დროს მინიმუმამდე დაყვანილი.

22

ველოტრენაჟორი - ვარჯიშობთ მჯდომარე მდგომარეობაში და ახდენთ ველოსიპედზე სიარულის იმიტაციას. მასაც აქვს რამდენიმე რეჟიმი და განსაკუთრებით ეფექტურია მუცლისა და ფეხების წონის კორექციისთვის.

33

ტრენაჟორი „სანიჩოსნო“. ვარჯიშს ასრულებთ ჯდომით და მოძრაობთ, ნიჩბოსნობის მსგავსი მოძრაობებით. ის იდეალურად ავარჯიშებს ყველა კუნთს. აქვს რამდენიმე რეჟიმი და ხელს უწყობს მთელი ფიგურის კორექტირებას.

44

სარბენი ბილიკი - განკუთვნილია სირბილისა და სიარულის ტიპის ვარჯიშისთვის. არსებობს მექანიკური და ელექტრო. ორივე მათგანი კარგად გაკლებინებთ წონაში. კარგია ორსული ქალებისთვისაც.

55

სტეპერი - კომპაქტური ტრენაჟორია, მოძრავი საფეხურებით. კარგი ტრენაჟორია თეძოებიდან, მუცლიდან და გვერდებიდან ცხიმების მოსაცილებლად.

66

ძალოსნობითი ტრენაჟორები - მოწყობილობები, სადაც სიმძიმე უნდა აწიოთ და მისი წონის რეგულირება თავად შეგიძლიათ. სასურველი შედეგის მისაღებად კარგი იქნება თუ ტრენერთან გაივლით კონსულტაციას, რათა მან თქვენთვის ოპტიმალური დატვირთვა შეგირჩიოთ.

77

ტრენაჟორი ღვედით - ის პასიური ტრენაჟორების ჯგუფს მიეკუთვნება და აღჭურვილია რამდენიმე ღვედით, რომელიც გიმასაჟებთ სხეულის პრობლემურ ადგილებს. ეფექტური გახდომისთვის ის აქტიური ტრენაჟორით ვარჯიშს უნდა შეუთავსოთ.

88


ტრენაჟორებზე ვარჯიში: უკუჩვენებები

ტრენაჟორების აქტიურ ტიპს აქვს გარკვეული უკუჩვენებები:
• ჰიპერტონია
• ზურგის ტრავმა
• სასუნთქი გზების დაავადებები
• გულის დაავადებები
• დიაბეტი

საერთო რეკომენდაციები

ტრენაჟორები კარგია ყველა ადამიანისთვის, ვისაც სურს გადაჭრას წონის პრობლემა. ის ერთნაირად კარგია როგორც ახალგაზრდებისთვის, ისე ასაკიანი ადამიანებისთვის. ვარჯიშისთვის არ არის აუცილებელი გქონდეთ წონის პრობლემა. ვარჯიში ხო სხეულის გაჯანსაღებასა და მომაგრებაში გვეხმარება. მისი მოხმარების დროს კი უნდა გვახსოვდეს შემდეგი წესები.
• დატვირთვა უნდა გაზარდოთ ნელ-ნელა. ფანატიკური დამოკიდებულების გარეშე.
• ვარჯიშის დროც ნელ-ნელა უნდა გაზარდოთ. დაიწყეთ 10-15 წუთით და გაზარდეთ დრო ნელ-ნელა.
• აუცილებლად სვით ბევრი წყალი (როცა სპორტს მისდევთ ორგანიზმმა 2 ლიტრი სითხე მაინც უნდა მიიღოს დღე-ღამეში. • შეზღუდეთ ცომისა და ტკბილის მოხმარება. იმედია ჩვენი სტატია გაგარკვევთ ტრენაჟორების სახეობებში და საშუალებას მოგცემთ სწორად შეარჩიოთ თქვენთვის სასურველი პროდუქტი და აქტივობის ტიპი.
ზევით