პრინტერი, რომელიც კარნახით წერს ტექსტს

სტარტაპმა, სახელად Selpic შექმნა მობილური ხელის პრინტერი Selpic P1, რომელიც მნიშვნელოვნად გაუმარტივებს საქმეს მათ, ვისაც სურს მცირე ზომის ჩანაწერების, შტრიხ კოდების, ფოტოებისა და ლოგიტიპების მარტივად გადატანა ზედაპირზე. 

Selpic P1-ის მთავარი ღირსშესანიშნაობა ის არის, რომ ის ბეჭდავს ტექსტს, რომელსაც თქვენ წარმოთქვამთ და ამას გარდა, ამას აკეთებს არა მხოლოდ ქაღალდზე, არამედ თითქმის ყველა ტიპის ზედაპირზე.

 

გაჯეტი იყენებს სმარტფონის მიკროფონს, Selpic P1-ის აპლიკაცია კი, წარმოთქმულს ტექსტად აქცევს. მისი წონა სულ რაღაც 91 გრამია და საკმაოდ კომპაქტური ზომები აქვს  - 130 x 31 x 24 მმ. ასე რომ მისი ჯიბით გადატანაც მოსახერხებელია. მუშაობს ოპერაციულ სისტემებზე: Android, Windows და iOS. კავშირს კი Wi-Fi-ს და Bluetooth-ის საშუალებით ახორციელებს.

პრინტერი გაყიდვაში 2020 წლის შემოდგომიდან გაეშვება.