Motorola უშვებს One Hyper-ს ყველაზე მძლავრი ელემენტით

სულ ახლახანს Motorola-მ დასაკეცი სმარტფონის Razr -ის შემდეგ, ახალი მობილური მოწყობილობა One Hyper წარადგინა.  

სმარტფონს 6.5-დიუმიანი ეკრანი აქვს, 2340 x 1080-იანი გაფართოებით. მისი 32 mp სელფი კამერა კორპუსიდან ამოდის (Xiaomi Mi 9t-ს მსგავსად).

რაც შეეხება სმარტფონის ძირითად კამერებს – მათი რაოდენობა ორია. აქედან, ერთ-ერთი ორმაგი კამერაა და 64 მეგაპიქსელიანთან ერთად, 16 მეგაპიქსელიან ლინზასაც აერთიანებს, ხოლო მეორე კამერა 8 მეგაპიქსელიანია, 108 გრადუსიანი გაფართოებით.

მოდელი იმით გამოირჩევა, რომ 4,000 mAh-იანი ელემენტი აქვს, რომლის წყალობითაც სრული დამუხტვის შემდეგ, უწყვეტი მუშაობის პირობებში, 38 საათს იმუშავებს ავტონომიურად.

Motorola One Hyper-ს აქვს 128GB შიდა მეხსიერება და 4GB ოპერაციული მეხსიერება. მუშაობს Qualcomm Snapdragon 675-ის პროცესორსა და Android 10-ის ოპერაციულ სისტემაზე.

One Hyper-ის შეძენა, ამ ეტაპზე, შეერთებული შტატების მასშტაბითაა შესაძლებელი და მისი ფასი 400 დოლარია. ჯერჯერობით, უცნობია, როდის გახდება ის გლობალურად ხელმისაწვდომი.