არ არის გაყიდვაში

GALAXY FOLD- სამსუნგმა დასაკეცი სმარტფონი ოფიციალურად წარადგინა

25.02.2019 11:17:11

სან-ფრანცისკოში გამართულ კონფერენციაზე სამსუნგმა კომპანიის უახლესი გაჯეტი - დასაკეცი სმარტფონი Galaxy Fold წარადგინა.

22

 

დაკეცილ მდგომარეობაში სმარტფონის ეკრანის ზომა 4,6 ინჩია (840 x 1960), გაშლილ მდგომარეობაში კი ეკრანის ზომა 7,3 ინჩს (1536 x 2152) აღწევს.

ფოლდ

სამსუნგმა აღნიშნული სმარტფონისთვის ახალი, სპეციფიკური დასაკეცი მექანიზმი შექმნა. მობილური ოთხ სხვადასხვა ფერში იქნება ხელმისაწვდომი. დასაკეცი სმარტფონი 7-ნანომეტრიანი პროცესორითა და 12 GB-იანი ოპერატიული მეხსიერებითაა აღჭურვილი.

მობილურის უკანა მხარეს სამი კამერაა - ერთ-ერთია 16-მეგაპიქსელიანი განსაკუთრებულად ფართო კუთხის კამერა, დანარჩენი ორი კი 12-მეგაპიქსელიანი, გამადიდებული ლინზისა და ფართო კუთხის მქონე კამერებია.

11

 

Galaxy Fold-ს ორი ელემენტი ექნება, რომლიდანაც მობილური ენერგიას ერთდროულად მიიღებს. ტელეფონს ერთდროულად სამი სხვადასხვა აპლიკაციის გაშვება შეუძლია.

სმარტფონის შეძენა 16 აპრილიდან იქნება ხელმისაწვდომი, მისი საწყისი ფასი კი 1980 დოლარი იქნება.


ზევით