არ არის გაყიდვაში

LG V40-ს რეკორდული რაოდენობის კამერები ექნება

28.06.2018
რამდენიმე წლის წინ ყველა სმარტფონის მწარმოებელი მონაწილეობდა კამერების შეჯიბრში და ცდილობდა მომხმარებლისთვის პიქსელების მაქსიმალური რაოდენობა შეეთავაზებინა. ამჯერად შეჯიბრი უკვე კამერების რაოდენობაში მიმდინარეობს. როგორც წესი, ის სამია - ორი უკანა პანელზე, ერთი წინ, მაგრამ გვხვდება ფლაგმანები ოთხი სენსორითაც. მათ შორისაა მაგალითად BQ Aurora ორმაგი სელფი და ძირითადი მოდულებით და Huawei P20 Pro, რომელსაც სამმაგი ძირითადი კამერა აქვთ.

111



LG-ის ახალი სმარტფონი V40 კი უფრო შორსაც წავა და სმარტფონს ხუთი კამერით აღჭურავავს. აღნიშნული ინფორმაცია კომპანიის ინსაიდერისგან გავრცელდა. ინფორმაციის თანახმად LG V40-ში წინა პანელზე განთავსდება ორი კამერა, უკან კი სამი. აღმოჩნდა, რომ V-სერია LG-სთვის უკვე დიდი ხანია იქცა საშუალებად მომხარებელს დაანახოს მომავლის პერსპექტიული მიღწევები, როგორიცაა დამატებითი დისპლეი, სტერეოდინამიკები, ფართოკუთხოვანი კამერები. ზოგი ასეთი ფუნქცია G - სერიაშიც აისახა, ზოგი კი დავიწყებას მიეცა.

222



უკანა პანელზე სამივე კამერას სტადარტული სენსორი, LG-ის ფართოკუთხოვანი კამერა და მესამე უცნობი ტიპის სენსორი ექნება. ეს შეიძლება იყოს მონოქრომული, ტელეფოტო ან რაღაც სრულიად ახალი გამოგონება. წინა კამერა მხოლოდ სელფისთვის არ არის განკუთვნილი. ჭორების თანახმად , LG ერთ-ერთ კამერას, ან ორივეს ერთად სახის ამოცნობით განბლოკვის სისტემისთვის გამოიყენებს. შესაძლოა სმარტფონში სელფი კამერები ამოქმედდეს სახის 3D-სტერეოფონური გამოსახულების შესაქმნელად დამატებითი უსაფრთხოებისთვის. ფიქრობენ, რომ თითის ანაბეჭდის სკანერს დამატებითი უსაფრთხოების ზომების შესაქმნელად გამოიყენებენ.

333



სავარაუდოდ  LG V40 მიიღებს ფლაგმანურ პროცესორს Qualcomm Snapdragon 845, ხმოვანი ასისტენტის Google Assistant-ის ღილაკს და საფირმო აუდიოტრაქტ Quad DAC-ს უმაღლესი ხარისხის ხმის უზრუნველსაყოფად. ტელეფონის ანონსს ელოდებიან ზაფხულის ბოლოს,  გამოფენაზე IFA 2018, რომელიც ბერლინში 31 აგვისტოდან 5 სექტემბრამდე გაიმართება.

ზევით