Samsung Chromebook Plus V2-ს ახალი ჩიპი და მეორე კამერა აქვს

თანამედროვე საუკეთესო ქრომბუქად ითვლება Google Pixelbook, თუმცა Chrome-ის საოპერაციო სისტემის გულშემატკივრები სხვა აპარატს ამჯობინებენ და ეს  Samsung Chromebook Plus-ია, რომელიც ნახევარ ფასად გვთავაზობს ცნობილი ანალოგის ყველა მნიშვნელოვან უპირატესობას. ცოტა ხნის წინ კი ტრანსფორმერი განახლებული სახით გამოვიდა.



Samsung Chromebook Plus-ის ახალი ვერსია დისპლეის განსხვავებულ პროპორციებს ფლობს: ორიგინალის პანელმა,- 3:2 ადგილი დაუთმო  Full HD დისპლეის 12.2 დიუმიანი დიაგონალით, 1920 х 1080 პიქსელის გაფართოებით და 16:9 მხარეთა შეფარდებით. ის სრული 360 გრადუსით ტრიალებს. აქვს სტაილუსი, რომელიც კორპუსშია დამალული და საერთოდ არ სჭირდება დატენვა.

Rockchip-ის  ARM პროცესორ OP1-ის ნაცვლად ახალ გაჯეტს აქვს უფრო მძლავრი ჩიპი, Intel-ის  ორბირთვიანი Celeron Processor 3965Y. აქვს 4 GB ოპერატიული და 32 GB შიდა მეხსიერება.



საინტერესოა, რომ 13 მეგაპიქსელიანი უკანა კამერა, f/1.9 დიაფრაგმით, კლავიატურის ქვეშ არის განლაგებული. ამგვარად პლანშეტის რეჟიმში მისი გამოყენება უფრო კომფორტული იქნება. ადგილზე დარჩა 1 მეგაპიქსელიანი მოდული, რომელიც ეკრანის ქვეშაა განლაგებული და ვიდეო ზარებისთვისაა განკუთვნილი.  

ნოუთბუქს აქვს  microSD-ბარათების სლოტები და სრულყოფილი USB 3.0. ორი USB Type-C პორტი კვების ბლოკისთვის და ეკრანზე  4K-გამოსახულების გამოსატანადაა განკუთვნილი. ამ უკანასკნელისთვის სპეციალური ადაპტერია საჭირო. აკუმულატორის მოცულობაა 39 ვატი/სთ, რომელიც საკმარისია 8 საათის განმავლობაში სამუშაოდ.

Samsung Chromebook Plus V2 $500 ეღირება და 24 ივნისიდან გამოვა გაყიდვაში.  Google Pixelbook კი ამჟამად $750 ღირს.