არ არის გაყიდვაში

 

აშშ-ს საპატენტო სააგენტომ დააკმაყოფილა Samsung-ის განაცხადი კონტაქტურ ლინზებზე, რომელშიც დამატებითი რეალობის ტექნოლოგიაა დამატებული. სიახლეს აქვს მიკროდისპლეი, რომელიც მომხმარებელს საშუალებას აძლევს მიიღოს უამრავი საჭირო ინფორმაცია. მაგალითად შესაძლებელია იხილოთ მოძრაობის მიმართულება ან შორიდან ამოიცნოთ სასურველი ობიექტი ისე, რომ ჯიბიდან ტელეფონი არც კი ამოიღოთ.

 

1 (6)

 

განაცხადის დოკუმენტი უკვე გამოქვეყნდა ინტერნეტში. მასში მოცემულია სურათი, რომელიც სქემატურად ასახავს ლინზებს, რომლებშიც ჩამონტაჟებულია უმცირესი დისპლეი, ვიდეოკამერა და სხვა ელემენტები. გათვალისწინებულია მოძრაობის სენსორი და კონდენსატორიც, რომელიც მიკროსქემებს კვებავს. ლინზები ინახება ჰიდროგელში, ზუსტად იგივეში, როგორსაც ჩვეულებრივი ლინზების შესანახად იყენებენ.

3

 

ნებისმიერი საჭირო ინფორმაცია გარე სამყაროდან დისპლეიზე გამოჩნდება და იქიდან მოახდენს პროეცირებას თვალის ბადურაზე. გაჯეტის გამჭვირვალე ფენაზე შესაძლებელია დამატებითი მიკროლინზების განლაგება, რომელიც მოახდენს სურათის კორექტირებას.

ჯერ ცნობილი არ არის, როდის გამოჩნდება გაყიდვაში კომერციული პროტოტიპი და რა იქნება მისი ღირებულება.

კომპიუტერული ტექნიკის მწარმოებლები ყველა შესაძლებლობას ხმარობენ კომპიუტერული თამაშების ახალ გაჯეტებში ინტეგრაციისთვის. როგორც ჩანს კომპანია Microsoft გეგმავს აუდიტორიას წარმოუდგინოს  ნებისმიერი სმარტფონის სათამაშო კონსოლად გადაქცევის შესაძლებლობა, რომელიც გამოიყენებს საფირმო სერვისს გეიმერებისთვის - Project xCloud.

 1

აშშ-ს საპატენტო ბიუროში დარეგისტრირებულია განაცხადი, რომელიც გარეგნულად ძალიან ჰგავს სათამაშო კონსოლს. პატენტის მთავარი მიზანია მისი ინტეგრაცია დამტენ სადგურთან.

 2

სქემა, რომელიც საპატენტო ბიუროს წარუდგინეს, ამტკიცებს, რომ მოწყობილობა შედგება დოკ სადგურისგან, რომელიც დაკავშირებულია კვების წყაროსთან. ასევე მოცემულია, ორი მოდული, რომელიც მაგრდება სმარტფონზე ორივე მხრიდან და მის გარე დიზაინს ამსგავსებს Joy-Con-ის Nintendo Switch-სთვის.

 4

სპეციალისტებმა გაარკვიეს, რომ დაპატენტებული სისტემა იმუშავებს Project xCloud-ის გამოყენებით, რომელიც  Microsoft-ის სერვისს წარმოადგენს. დიზაინერებმა კი პატენტის მონაცემებზე დაყრდნობით შეიმუშავეს მოწყობილობის 3D მოდელი. გარდა ამისა, გავრცელებული ინფორმაციის თანახმად, მოდულები იდეალურად ეთავსება თანამედროვე უსაზღვრო სმარტფონებს და არ ფარავს მისი ეკრანის ველს.

 3

ვარაუდობენ, რომ სმარტფონსა და კონტროლერებს შორის კავშირი, Wi-Fi-ს საშუალებით დამყარდება, რაც უზრუნველყოფს თამაშს, ყოველგვარი შეფერხების გარეშე.

სმარტფონების წამყვანი ბრენდები მაქსიმალურად ცდილობენ შეიმუშაონ სმარტფონის ისეთი კოnცეფცია, რომელიც მომხმარებელს ეკრანის ეფექტურად გამოყენების საშუალებას მისცემს. კომპანია LG-მ წარმოადგინა მცირე ვიდეორგოლი, რომელზეც წარმოდგენილია ფლაგმანური სმარტფონის  LG V60 ThinQ-ის კონცეფცია, რომელსაც დამატებითი მოდულის შეერთების ფუნქცია ექნება.

 

1 (3)
LG V60 ThinQ-ის სრულყოფილი პრეზენტაცია შედგება ბერლინში, გამოფენაზე IFA 2019, რომელიც 6-11 სექტემბერს გაიმართება. სმარტფონის მეორე ეკრანს ზუსტად ისეთივე დიაგონალი ექნება, როგორიც ძირითადს აქვს და მფლობელს საშუალებას მისცემს რამდენიმე დავალებას ერთად გაუმკლავდეს, კომფორტულად ითამაშოს და გადაიღოს ფოტოები.  

 

ვიდეო რგოლი გვაძლევს ვარაუდს, რომ სმარტფონი აღჭურვილი იქნება მესამე - ინფორმაციული ეკრანითაც, რომელიც აპარატის გარეთა მხარეს იქნება განლაგებული. მასზე აისახება ინფორმაცია დროზე, შემოსულ სატელეფონო ზარებსა და შეტყობინებებზე.

ამით LG წავიდა მოდულური სმარტფონების შექმნის გზით და ცხადია, რომ არ გამოიყენებს ჯერ კიდევ დაუხვეწავი დრეკადი აპარატების კონეფციას, რომელიც მისმა კონკურენტებმა მოდელებში Galaxy Fold და Mate X  გვაჩვენეს.

Xiaomi- ინტელექტუალური საკუთრების საერთაშორისო სააგენტოში შეიტანა პატენტი, რომელიც გულსიხმობს სმარტფონში მზის ენერგიის ელემენტის გამოყენებას, რამაც წესით მომხმარებელი უნდა უზრუნველყოს აპარატის ავტონომიური მუშაობით მზიანი დღის განმავლობაში.

3

 

დაპატენტებული აპარატი წინიდან გამოიყურება, როგორც ჩვეულებრივი სმარტფონი, რომელსაც არ აქვს ჭრილი სელფი კამერისთვის. ასევე არ არის მითითებული, რომ მას ექნება პერისკოპორი კამერა, რომელიც სმარტფონის კორპუსიდან ამოდის. სავარაუდოდ ფრონტალური კამერა ეკრანს ქვეშ იქნება განლაგებული. იქვე განათავსებენ თითის ანაბეჭდის სკანერს.

 

უკანა პანელის დიდ ნაწილს მზის ელემენტი დაიკავებს, თუმცა ორმაგი კამერისთვისაც განსაზღვრულია ადგილი

2 (4) 
მზის ენერგიის ელემენტის დაყენება ამოკლებს ტელეფონის დატენვის დროს და საშუალებას აძლევს მომხმარებელს განახორციელოს ზარი იმ რაიონებში, სადაც არ არის ელექტროენერგია.

 

 

მზის ენერგიის ელემენტებზე ექსპერიმენტებს ატარებდნენ კომპანიები Samsung და LG, თუმცა ამ დრომდე ისინი წარუმატებელი აღმოჩნდა


 

Samsung-მა დააანონსა ახალი ფლაგმანური პლანშეტი Galaxy Tab S6, რომლითაც მისი წინამორბედი Galaxy Tab S4 შეცვალა.

1

 

 

ტოპ მოდელი აღჭურვილია AMOLED ეკრანით (2560×1600), რომელსაც აქვს 10,5 დიუმის დიაგონალი, ულტრა თხელი ჩარჩო და უფრო თხელია, ვიდრე iPad Pro (5,9 მმ).
Galaxy Tab S6-ს უერთდება კლავიატურა, რომელიც საშუალებას მოგცემთ პლანშეტი გამოიყენოთ, როგორც კომპიუტერი. ეკრანზე კი დატანილია სენსორი, რომელიც თითის ანაბეჭდით გააკეთებს მფლობელის იდენტიფიკაციას.

 

 

მუშაობს პროცესორზე Snapdragon 855. ოპერატიული მეხსიერება შეადგენს 6/8 GB, შიდა - 128/256 GB.  microSD ბარათის საშუალებით შეიძლება მეხსიერების გაზრდა 1 TB-მდე. აპარატის ავტონომიურ მუშაობას უზრუნველყოფს 7040 mAh-იანი აკუმულატორი. მუშაობს ოპერაციულ სისტემაზე Android 9 Pie.

2

 

 

პლანშეტს აქვს 3 ახალი კამერა. ფრონტალური - 8mp და ძირითადი, ორმაგი მოდულით 13 mp+5mp 123 გრადუსიანი ხედვის კუთხით. ხელოვნური ინტელექტის წყალობით აქვს გაუმჯობესებული ფოტოს გადაღების ფუნქცია.

 

 

 
მომხმარებელს მუშაობაში ეხმარება S Pen  სტაილუსი, რომელსაც აქვს დისტანციურად კამერის მართვისა და ფაილების გადაწყობის ფუნქციები. ასევე აქვს უკონტაქტო დატენვის ტექნოლოგია. სულ რაღაც 10 წუთით დატენვა საკმარისია 10 საათით სამუშაოდ. 
ფასები მოდიფიკაციების მიხედვით შემდეგია: 6/128 GB - $649,  8/256 GB - $729.
პლანშეტი გაყიდვაში გამოდის შავში, ნაცრისფერში, ცისფერსა და ვარდისფერებში.  

 

 

მიუხედავად ამერიკის ბაზარზე შექმნილი გარკვეული პრობლემებისა, კომპანია Huawei არ წყვეტს თაყვანისმცემლების გახარებას ახალი მოდელებით. ამჯერად ბრენდმა ახალი მოდიფიცირებული სმარტფონები: Nova 5i და Mate 20 X 5G გამოუშვა.

1
Huawei Nova 5i Pro, რომელსაც დასავლეთის ბაზარზე ექნება მარკირება Mate 30 Lite, წარმოადგენს Nova 5i-ს გაუმჯობესებულ ვერსიას. სმარტფონის აპარატული ნაწილი მუშაობს პროცესორზე Kirin 810, რომელიც 7 ნანომეტრიანი ტექნოლოგიითაა შექმნილი. აქვს ახალი 4 სენსორიანი (48 mp; 8 mp; 2 mp და 2 mp) კამერა. ძირითად მოდულს დამატებული აქვს ტელეობიექტივი, ფართოკუთხოვანი ლინზა და სიღრმის სენსორები.

 

 

Huawei Nova 5i Pro აღჭურვილია 6,26 დიუმიანი Full HD+ ეკრანით, რომელსაც აქვს ჭრილი სელფი კამერისთვის (32mp). მეხსიერების მიხედვით მომხმარებელი შეძლებს აირჩიოს სმარტფონის სამი მოდიფიკაცია: 6/128 GB, 8/128 GB და 8/256 GB. აპარატის ავტონომიურობას უზრუნველყოფს 4000 mAh-იანი, სწრაფი დატენვის მხარდაჭერის მქონე აკუმულატორი. 
Huawei-ის თაყვანისმცემლებს სასიამოვნოდ გააოცებთ აპარატის ფასი. საბაზო მოდელის ღირებულება 319 დოლარს შეადგენს.  363 დოლარი ღირს მოდიფიკაცია: 8/128 GB და 407 დოლარი - 8/256 GB. გაყიდვაში აპარატი 2 აგვისტოდან გამოჩნდება.  

2

 

მეორე მოდელი, Huawei Mate 20 X 5G, გაცილებით ძვირი ღირს. ეს არის Mate 20 X-ის გაუმჯობესებული ვერსია და გაყიდვაში 16 აგვისტოდან 900 დოლარად გამოვა.

 

იმასთან დაკავშირებით, რომ Huawei Mate 20 X 5G, აქვს 5G ქსელის მხარდაჭერა, მწარმოებლებს მოუხდათ აკუმულატორის მოცულობის შემცირება ქსელის ანტენის დასაყენებლად. შედეგად მოდელმა მიიღო 4200 mAh-იანი ელემენტი, იმ დროს როდესაც მის წინა მოდელს 5000 mAh-იანი ჰქონდა. 
Mate 20 X 5G მუშაობს პროცესორზე Kirin 980. შიდა მეხსიერება  შეადგენს 256 GB, ოპერატიული - 8 GB. OLED ეკრანის ზომა შეადგენს 7,2 დიუმს. ფრონტალური კამერა 24 მეგაპიქსელიანია. ძირითადი კამერა, სამი სენსორით (48 mp - ძირითადი კამერა, ტელეობიექტივი ოპტიკური სტაბილიზაქციით და 20 mp ფართოკუთხოვანი სენსორი) ფლეშ განათებასთან ერთად კვადრატულ მოდულში განლაგდა.

შთაბეჭდილება დაგრჩებათ, რომ ბოლო ხანებში ღილაკებიანი ტელეფონები აღარ გამოდის, მაგრამ სინამდვილეში ისინი კვლავ იწარმოება, ოღონდ ჩუმად. არადა ისინი ჯერ კიდევ დიდი მოთხოვნით სარგებლობს. HMD Global ის იშვიათი მწარმოებელია, რომლებიც ჯერ კიფევ მუშაობს ამგვარ აპარატებზე. მათი ბოლო სიახლეები კი ტრადიციული ფორმფაქტორის მქონე ტელეფონებია: Nokia 220 4G და Nokia 105.

1 (1)

 

პირველი მათგანი ორიგინალი მოდელის Nokia 220-ის განახლებას წარმოადგენს, რომელმაც 5 წლის შემდეგ პირველად იხილა დღის სინათლე, განსხვავებულად გამოიყურება, უფრო მასიურია და აქვს 4G LTE ქსელის მხარდაჭერა. დისპლეის დიაგონალი შეადგენს 2.4 დიუმს, გაფართოება – 160 х 120 პიქსელს. შიდა მეხსიერება -  24 MB, ოპერატიული – 16 MB. აქვს ფოტოკამერა VGA გაფართოებით და LED განათება.

2 (1)

 

გარდა ამისა ტელეფონს აქვს საკმაოდ ნორმალური ტევადობის მოხსნადი აკუმულატორი, მისი მოცულობა 1200 mAh-ია და სალაპარაკოდ გყოფნით 6 საათის განმავლობაში. მომლოდინე რეჟიმში 27 დღე ძლებს. აქვს ისეთი კლასიკური თამაშები, როგორიცაა „ტეტრისი“, „სნეიქი“ და სხვა. FM რადიო და 2 SIM ბარათის სლოტიც სახეზეა. მუშაობს ოპერაციულ სისტემაზე Feature OS და აქვ აპლიკაციები: Facebook, Twitter და Opera Mini. Nokia 220 4G ღირს 39 ევრო.

3 (1)

 

Nokia 105 ასევე წარმოადგენს ძველი მოდელის განახლებას, თუმცა მისი წინამორბედი სულ რაღაც 2 წლის წინ გამოვიდა გაყიდვაში. გარეგნული განსხვავება ტელეფონებს შორის არ არსებობს. მთავარი განსხვავება კი ისაა, რომ ახალ აპარატს აქვს 4G მხარდაჭერა. დისპლეის დიაგონალია 1,77 დიუმი, გაფართოება – 160 х 120 პიქსელი. ოპერატიული მეხსიერება - 4 MB, შიდა - 4 MB. ეს მოცულობა საკმარისია 500 sms-ის და 2000 კონტაქტის შესანახად. Nokia 105 (2019) აქვს FM რადიო, 2 SIM-ბარათი, ფანარი და თამაშები. აკუმულატორის მოცულობა 800 mAh-ია, რომელიც საკმარისა 14 საათით საუბრისა და 26 დღით მომლოდინე რეჟიმში გასაჩერებად. მუშაობს ოპერაციულ სისტემაზე ОС Series 30+, ღირებულება - 13 ევრო.

Xiaomi-ში მიიღეს გადაწყვეტილება გამოეშვათ ბიუჯეტური სმარტფონი მხარეთა უცნაური შეფარდებით - 22.5:9, რომელიც სპეციალურად მოსწავლეებისთვისაა განკუთვნილი. ამ იდეის რეალიზაციისთვის კომპანიაში გაუშვეს კრაუნდფანდინგული კომპანია, რომელმაც 7-ჯერ მეტი თანხა შეაგროვა, ვიდრე საჭირო იყო ახალი Xiaomi Qin 2-ის გამოსაშვებად.

3

 

აპარატი აღჭურვილია მინიმალური ფუნქციებით. აქვს 5.05 დიუმიანი კერანი, 1440х576 პიქსელის გაფართოებით. კორპუსი კი მსუბუქი პოლიკარბონატით არის დამზადებული. მხარეთა შეფარდება 22.5:9 სმარტფონს აძლევს ძალიან წაგრძელებულ ფორმას, Sony Xperia 1-ის კინემატროგრაფიული 4K ეკრანიც კი უფრო მოკლეა. მუშაობს Spreadtrum SC9832E პროცესორზე, აქვს 1 GB ოპერატიული 32 GB შიდა მეხსიერება.

4

 

Xiaomi Qin 2 ასევე აღჭურვილია ინფრაწითელი პორტით, USB Type-C და 3.5 მმ აუდიო ბუდით, 2100 mAh-იანი აკუმულატორით, ორდინარული 5 მეგაპიქსელიანი ძირითადი კამერით. სელფი კამერა და თითის ანაბეჭდის სკანერი აპარატს არ აქვს. ოპერაციულ სისტემას წარმოადგენს Android Go 9.0.

4

 

Xiaomi Qin 2-ის ფასი სულ რაღაც $73 შეადგენს. მომხმარებლებს სთავაზობენ წითელ, შავ, ვარდისფერ და ცისფერ აპარატებს. შესაძლოა, რომ  სმარტფონის გაყიდვის არეალი მხოლოდ ჩინეთით შემოიფარგლოს. 

კავშირის თანამედროვე სისტემები მასობრივი ღონისძიებების დროს გარკვეულ რაიონებში შეიძლება არასტაბილურად მუშაობდეს. ამ სიტუაციიდან გამოსვლის ერთ–ერთი საშუალება კი MeshTalk ტექნოლოგიის გამოყენებაა, რომელიც ლოკალურ დეცენტრალიზებულ ქსელს ქმნის Oppo–ს სმარტფონების მფლობელთა შორის.

 2

კომპანია Oppo–ს გაჯეტები, რომელთა დაშორებაც 3 კმ–ს არ აჭარბებს, ენერგოეფექტური გაშიფრვის მეშვეობით აწყობენ ლოკალურ ქსელს. აუცილებლობის შემთხვევაში შესაძლებელია სიგნალის გაძლიერებაც. კავშირი ხორციელდება მხოლოდ OPPO-ს გაჯეტების მფლობელთა შორის რადიოსადგურებს შორის დამყარებული კავშირის მსგავსად. ტექნოლოგია MeshTalk–ის გამოყენებით, OPPO-ს აპარატების მფლობელი მოლოდინის რეჟიმში რჩება 72 საათის განმავლობაში, იმ შემთხვევაშიც კი თუ ადგილზე ცუდი კავშირის ზონაა და მობილური ქსელი გადატვირთულია. ამ შემთხვევაში არც Wi-Fi–ს ან Bluetooth–ის მხარდაჭერა გჭირდებათ.

 3

ამ დროისათვის არ არის ცნობილი Oppo–ს კონკრეტულად რომელი მოდელები იქნება აღჭურვილი ამ ტექნოლოგიით და კონკრეტულად როდის გაუშვებენ მას სერიულ აპარატებში.

 

Xiaomi-ს გენერალურმა დირექტორმა ლეი ცზიუნმა დაანონსა კომპანიის გაჯეტების სრულიად ახალი ხაზი – CC. მისი სიტყვებით ამიერიდან მწარმოებელს ექნება გაჯეტების სამი ხაზი:  – Mi, Redmi და CC. ამ უკანასკნელს შიფრავენ, როგორც Camera & Camera, ანდაც Colorful & Creative. 

3
სმარტფონებს აწარმოებენ ინჟინრების ყველაზე ახალგაზრდა თაობის წარმომადგენლები, რომლებიც ქვე კომპანიში: Chic & Cool 90 ერთიანდებიან. მასში შედის Xiaomi–ს მიერ ცოტა ხნის წინ ნაყიდი Meitu–ს რამდენიმე თანამშრომელიც. მათ დაუკვეთეს ახალგაზრდული გაჯეტების შემუშავება ხარისხიანი კამერებითა და მიმზიდველი დიზაინით. 
ამ ხაზის პირველი სმარტფონები იქნება – Xiaomi CC9e და Xiaomi CC9. ციფრი სახელწოდებაში აღნიშნავს კომპანიის ასაკს. მათ პუბლიკას საკმაოდ მალე წარუდგენენ. ამბობენ, რომ უფროსი მოდელი აღჭურვილი იქნება Qualcomm–ის  პროცესორით Snapdragon 730; წვეთისებრი ჭრილის მქონე დისპლეით, 32 პიქსელიანი გაფართოების ეკრანით, სამმაგი ძირითადი კამერით და ეკრანს ქვეშ განთავსებული სკანერით. აკუმულატორის მოცულობა 4000 mAh იქნება.  
„უმცროსი მოდელი“ უფრო ნაკლები მწარმოებლურობის მქონე Snapdragon 712–ით იქნება აღჭურვილი და სკანერი გვერდზე ექნება განლაგებული. ამბობენ, რომ ორივე მოდელს ექნება NFC ჩიპი. მოდელების ღირებულება იქნება დაახლოებით 200 – 300 დოლარი.

 

  1   2   3   4   5   6   7   8   9   10   11   12   13   14   15   16   17   18   19   20   მომდევნო >>

ზევით