არ არის გაყიდვაში

Xiaomi განაგრძობს გულშემატკივრების გახარებას და გაყიდვაში უშვებს ახალ ბიუჯეტურ სმარტფონს Redmi 8, რომელიც აღჭურვილია კარგი ხარისხის აკუმულატორითა და თავისი საფასო სეგმენტისთვის საკმაოდ ნორმალური ხარისხის ძირითადი კამერით. 

4 (1)

 

Redmi 8 -ის პრეზენტაცია ინდოეთში გაკეთდა. მას IPS ეკრანი აქვს 6,22 დიუმის დიაგონალითა და HD+ გაფართოებით. დაცულია Gorilla Glass 5 მინით. მუშაობს პროცესორზე Snapdragon 439. აქვს 64 GB ძირითადი და 4 GB შიდა მეხსიერება.

5

სმარტფონი აღჭურვილია უნიკალურად ტევადი ეკუმულატორით, რომლის მოცულობაც 5000 mAh-ია და უზრუნველყოფს ბიუჯეტური სმარტფონის საკმაოდ ხანგრძლივ მუშაობას. სასიამოვნო სიურპირიზია ისიც, რომ აპარატს აქვს სწტრაფი დატენვის ფუნქციაც.

 

ორმაგი ძირითადი კამერა 12 mp და 2 mp-იანია. სელფი კამერა კი, - 8 mp. მნიშვნელოვან მახასიათებლად ითვლება ის, რომ სმარტფონს აქვს ინფრაწითელი პორტი სახლის ტექნიკის სამართავად. ტელეფონი მუშაობს  MIUI 10 ნიშნით Android 9 Pie-ს ბაზაზე. დაკტილოსკოპიური სკანერი აპარატის უკანა მხარეს არის განლაგებული. 

კონსოლური თამაშების თაყვანისმცემლები დიდი ხანია ელოდნენ Sony-სგან ახალი კონსოლის დაანონსებას.  როგორც იქნა, კომპანიამ მართლაც შემოგვთავაზა მისი პრეზენტაცია და კონსოლს მიანიჭა სახელი PlayStation 5.

2 (1)

 

Sony Interactive Entertainment-ის გენერალურმა დირექტორმა ჯიმ რაიანმა ოფიციალურად დაადასტურა ინფორმაცია, რომ ახალ კონსოლს ექნება საშუალება შექმნას რთული შუქისა და ხმოვანი ეფექტები სამ განზომილებიან სამყაროში.  

მნიშვნელოვანი ცვლილება განიცადა PlayStation 5-ის ინტერფეისმაც. შეცვლილია თამაშების ინსტალაციის სისტემაც. ამიერიდან გეიმერებს საშუალება ექნებათ დააინსტალირონ თამაშები ისე, რომ აპლიკაცია ბოლომდე არც გადმოწერონ. მომხმარებელი შეძლებს დააყენოს ცალკეული კამპანია, ცალკეულად მრავალმომხმარებლიანი მისია, ან მთლიანად თამაში. ინტერფეისში დამატებულია უამრავი საინფორმაციო შეტყობინება, რომელიც გეიმერის პროგრესს ასახავს თამაშის სამყაროში და აძლევს მას ინფორმაციას მეგობრების აქტივობების შესახებ.

3 (1)

 

ახალი კონტროლერის სახელი, რომელიც თამაშის ხარისხს ზრდის და სამყაროს უფრო რეალისტურს აჩენს, ჯერ არ არის ცნობილი, მაგრამ ალბათ მისი სახელი DualShock 5 იქნება. ის გეიმერს საშუალებას მისცემს თავად შეიგრძნოს ის პროცესები, რომელსაც მთავარი გმირი გადის. 
მნიშვნელოვანი გაუმჯობესება გვაქვს PlayStation 5-ის აპარატულ შემადგენელშიც. SSD მეხსიერება საშუალებას მოგცემთ წამებში გადმოწეროთ და დააინსტალიროთ თამაში. კონსოლის რელიზი დაგეგმილია 2020 წლის ბოლოსთვის.  

Microsoft-მა დააანონსა კომპაქტური პლანშეტი Surface Pro X, ჰიბრიდული კონსტრუქციით და მაღალმწარმოებლური  Qualcomm-ის პროცესორით.

1

 


Snapdragon 8cx პოზიციონირებულია, როგორც Qualcomm-ის ყველაზე ძლიერი ჩიპი. ის პირველად გაეშვა მასიურ წარმოებაში. მისი მახასიათებლები ჯერ მწარმოებელს არ გაუჟღერებია, მიუხედავად იმისა, რომ დაანონსებული ერთი წლის წინ 2018-ის დეკემბერში იყო.  

Qualcomm-ის მწარმოებლებმა სპეციალურად Surface Pro X-სთვის შეიმუშავეს პროცესორის სპეციალური ვერსია მარკირებით Surface SQ1. პლატფორმაში მოცემულია ხელოვნური ინტლექტის დამაჩქარებელი. ტესტირებამ კი აჩვენა, რომ პლატფორმის მწარმოებლურობა უტოლდება Intel Core i5-8250U-ს.

Surface Pro X-ის ენერგოეფექტურობა შეადგენს 7 ვატს, რაც ნიშნავს სამჯერ მეტ მწარმოებლურობას ვიდრე აქვს Surface Pro 6-ს.

2

Surface Pro X-ის ზომები გაცილებით ნაკლებია, ვიდრე Surface Pro 7-ს აქვს, მისი სისქე მხოლოდ 5.3 მმ-ია, წონა კი 760 გრამს შეადგენს. გაჯეტი მუშაობს 13 დიუმის დიაგონალის მქონე მონიტორზე PixelSense, გაფართოებით 2880x1920 (267 ppi). კომპლექტში მოყვება სტაილუსი Surface Slim Pen, რომლის დასატენადაც ტაბლეტს სპეციალური ბუდე აქვს განსაზღვრული.  
Surface Pro X-ს გაყიდვები 5 ნოემბრიდან დაიწყება და მისი ღირებულება $999 შეადგენს. 

 

Apple-ის მიერ დაპატენტებული ბოლო სმარტფონის აღწერაში მითითებულია, რომ მათი სავაჭრო მარკა, რომელიც განთავსებულია აპარატის უკანა ზედაპირზე შეასრულებს სმარტფონზე შემოსული ახალი შეტყობინებების ინდიკატორის როლს.

 

1569830214_logotip-apple-kak-indikator

 

პატენტში აღწერილი ტექნიკური მახასიათებლებით შევიტყვეთ, რომ ლოგოტიპს ახალი ფუნქცია შეემატება და მოგვაწვდის სიგნალს, როდესაც ტელეფონში შემოვა ზარი, შეტყობინება კალენდარში მონიშნული მოვლენის შესახებ, მესიჯი და ა.შ. აპარატი სიგნალს მოგვაწვდის ლოგოს მუდმივი ან მოციმციმე განათებით, რაც მომხმარებლისთვის საკმაოდ მომხიბვლელად გამოიყურება, რადგან ამით მათ გაჯეტს მეტი ინდივიდუალურობა შეემატება.

 

ამბობენ, რომ შესაძლოა „ვაშლი“ კომპანიამ სიგნალის მაჩვენებლად სმარტფონების გარდა სხვა მოწყობილობებშიც გამოიყენოს, როგორიცაა: iPad, iMac ან MacBook. მანათობელი ლოგოტიპი კომპანიამ უკვე გამოიყენა MacBook-ებში, რომელიც გაყიდვაში 2015 წელს გამოვიდა.  

Xiaomi კვლავაც ახარებს მომხმარებელს მოწინავე ტექნოლოგიებისა და კომფორტული ფასის მქონე ძლიერი მოდელებით. ახლახანს წარმოდგენილი ფლაგმანი Mi 9 Pro 5G სწორედ ასეთთა რიგებს განეკუთვნება და წინა ვერსიის, Mi 9-ს გაუმჯობესებული ვარიანტია, კორპუსის ანალოგიური დიზაინით, მაგრამ უკეთესი ტექნიკური მახასიათებლებით.

11 (5)

 

Mi 9 Pro 5G მუშაობს პროცესორზე Snapdragon 855 Plus, რომელიც აღჭურვილია გაგრილების ინოვაციური სისტემით. კომპლექტაციიდან გამომდინარე სმარტფონებს ექნება 8/12 GB ოპერატიული და 128/256/512  GB შიდა მეხსიერება. მეხუთე თაობის კავშირს უზრუნველყოფს მოდული 5G Snapdragon X50. მონაცემთა გადაცემა 7 ანტენის მეშვეობით ხორციელდება, გადაცემის სიჩქარე კი 10-ჯერ აღემატება mi 9-ს გადაცემის სიჩქარეს.

2

 

აპარატის ავტონომიურობა დამოკიდებულია 4000 mAh-იან აკუმულატორზე, რომელსაც აქვს სწრაფი დატენვის ფუნქცია 40 ვატის სიმძლავრით, რომელიც 100% დამჯარ ელემენტს 48 წუთში ტენის. აპარატს უსადენო და რევერსული დატენვის შესაძლებლობაც აქვს.  

3

 

Mi 9 Pro 5G მუშაობს Android 10-ზე უახლესი მარკით MIUI 11. AMOLED დისპლეის აქვს Full HD+ გაფართოება და მისი დიაგონალი 6.4 დიუმს შეადგენს. დაკტილოსკოპიური სკანერი მის ქვეშ არის განლაგებული.

ფრონტალური კამერა 20 მეგაპიქსელიანია. ძირითადს კი სამი: 48 mp + 12 mp + 16 mp მოდულები აქვს.

4

 

გაყიდვაში ახალი სმარტფონი 27 სექტემბრიდან გამოდის და ორი ფერით იქნება წარმოდგენილი: Dream White და Titanium Black. ფასი კომპლექტაციიდან გამომდინარე შემდეგია: Xiaomi Mi 9 Pro 5G 8/128 GB —$520, Xiaomi Mi 9 Pro 5G 8/256 GB — $534, Xiaomi Mi 9 Pro 5G 12/256 GB —$577 და Xiaomi Mi 9 Pro 5G 12/512 GB — $605.

Xiaomi-ს ხშირად სდებდნენ ბრალს, რომ თავის სმარტფონებში ცნობილი ბრენდების ფლაგმანების მთავარ მახასიათებლებს იმეორებდა და თავის აპარატებს ძირითადად iPhone-ს ამსგავსებდა. მაგრამ ბრენდი დროთა განმავლობაში გაიზარდა და დაიწყო მომხმარებლისთვის თავისი საკუთარი ინოვაციების შეთავაზება, ისეთის, როგორითაც ხშირად წამყვანი კომპანები ვერ დაიკვეხნიან.

1 (13)

 

სწორედ ამგვარ ინოვაციას განეკუთვნება Xiaomi-ს Mi Mix სერიის ახალი სმარტფონი Alpha, არც მეტი, არც ნაკლები ერთ მთლიან ეკრანს წარმოადგენს. ეკრანი სმარტფონის გარშემო, მთელს აპარატს ფარავს: წინა დისპლეისა და უკანა მხარეს, გვერდებს და წყდება მხოლოდ  ერთ თხელ ზოლში, სადაც კამერებს ხვდება.

Alpha- 5G ქსელის მხარდაჭერა აქვს. არ აქვს სელფის კამერა და ის არც დაგჭირდება, რადგან ეკრანი, სადაც სელფის გადაღებისას საკუთარი თავი უნდა დაინახოთ, Alpha- უკანა მხარესაც აქვს განლაგებული.

2

 

აღსანიშნავია, რომ Mix Alpha იყენებს Samsung-ის ახალ, 108 მეგაპიქსელიან კამერის სენსორს. როგორც სხვა, სამსუნგის მაღალი რეზოლუციის სენსორებში, აქაც პიქსელები 2X2 ველშია კომბინირებული, უკეთესი სინათლის შეგრძნებისთვის, ფოტოს სიბნელეში გადაღების შემთხვევაში. ასეთი კომბინაცია 27 მეგაპიქსელიანი ფოტოების გადაღების საშუალებას იძლევა.

სმარტფონი მუშაობს Qualcomm Snapdragon 855+ პროცესორზე. აქვს 12 GB შიდა და 512 GB ოპერატიული მეხსიერება. მუშაობს 4050 mAh-იან აკუმულატროზე, რომელიც 40 ვატიანი სწრაფი დატენვის რეჟიმით იმუხტება.

3

 

Xiaomi-ში აცხადებენ, რომ Mix Alpha, ამ დროისათვის წარმოადგენს მხოლოდ სმარტფონის კონცეპტს და ჯერჯერობით, უცნობია, როდის გამოვა ის გაყიდვაში.  გამოჩნდება თუ არა Mix Alpha საერთოდ ბაზარზე, როგორც მასობრივი მოხმარების პროდუქტი ჯერ-ჯერობით არ არის ცნობილი.

 

მიუნხენში Huawei-მწარმოადგნა ფლაგმანური სმარტფონები – Mate 30. უფროს მოდელ Pro-ს აქვს OLED Horizon Display 6.53 დიუმის დიაგონალითა და 2400 х 1176 პიქსელის გაფართოებით. ეს არის ეკრანი - „ჩანჩქერი“, როგორიც Vivo Nex 3-საც აქვს. დისპლეის კუთხეები 88 გრადუსითაა მოხრილი, რითაც ქმნის ქვედა დინების ეფექტს. 

1 (12)
მისი კუთხეები საშუალებას იძლევა დაარეგულიროთ ხმა და მართოთ კამერა. ხმის დასარეგულირებლად საკმარისია თითი გაუსვათ ზევით ან ქვევით, სელფის გადასაღებად კი კიდეს დააჭიროთ.

2 (8)

 

ჭრილზე განალაგეს არა მხოლოდ სელფი კამერა, არამედ მოძრაობის სენსორიც, რაც საშუალებას გაძლევთ აპარატი ჟესტებით მართოთ. ეკრანის ქვეშ თითის ანაბეჭდის სკანერია განლაგებული. განსაზღვრულია Always-on Display-ცა და წყლისა და მტვრისგან დაცვის IP68 სტანდარტიც. ფლაგმანი ტოპ პროცესორზე  Kirin 990-ზე მუშაობს. ოპერატიული მეხსიერებაა 8 GB, შიდა მეხსიერების კი 128/256 GB.  

აკუმულატორის მოცულობაა 4500 mAh, სწრაფი დატენვის ფუნქციით და რევერსული დატენვით, რაც სმარტფონს საშუალებას აძლევს სხვა მოწყობილობებიც დატენოს სადენების გარეშე.  

3 (5)

 

აპარატში განთავსებულია 21 ანტენა, აქედან 14 მუშაობს 5G-სთვის. ის  Samsung Note 10+ 5G-ზე სწრაფია ახალ ქსელში, ნაკლებად ცხელდება და იყენებს ნაკლებ ენერგიას.

ძირითად ფოტოკამერას აქვს სენსორი SuperSensing, 40 მეგაპიქსელით. მისი დებიუტი Huawei P30 Pro-ში შედგა და მშვენივრად გამოიჩინა თავი ცუდ განათებაში. ასევე გვაქვს მეორე 40 მეგაპიქსელიანი სენსორი ფართოკუთხოვანი ობიექტივით, მესამე სენსორი - ტელეფოტო ობიექტივი 8 მეგაპიქსელით და მეოთხე სენსორი 3D მოდულით. აპარატში დამონტაჟებულია სამმაგი ოპტიკური და 30 მაგი ციფრული ზუმი. შესაძლებელია ზეშენელებული სიუჟეტების გადაღება წამში 7680 კადრის სიჩქარით.

4

 

 

მცირე ვერსიას Huawei Mate 30-ს აქვს ბრტყელი AMOLED დისპელი 6.62 დიუმის დიაგონალით, 2340х1080 პიქსელის გაფართოებით და მხარეთა შეფარდებით 19,5:9. მასაც ეკრანის ქვეშ აქვს განლაგებული თითის ანაბეჭდის სკანერი. აქვს მტვრისა და ნესტისგან დაცვის IP53 სტანდარტი და Always-on Display რეჟიმი.
ისიც უფროსი მოდელის მსგავსად მუშაობს პროცესორზე Kirin 990, ოპერატიული მხესიერება 6/8 GB, შიდა - 128 GB. აკუმულატორის მოცულობა 4200 mAh-ს შეადგენს და აქვს სწრაფი დატენვის მხარდაჭერა. 

5
ძირითადი კამერის სტილი იგივეა - მრგვალი მოდული, თუმცა სენსორების რაოდენობა აქ ოთხის მაგივრად სამია: SuperSensing -40 mp. ფართოკუთხოვანი - 16 mp, ტელეფოტო ობიექტივი 8 mp.  აქვს ლაზერული ავტოფოკუსიც.
ორივე მოდელი მუშაობს EMUI 10-ზე, რომელიც ანდროიდის ბაზას ემყარება. აპარატს არ აქვს Google-ის სერვისები, თუმცა Huawei-ს აპლიკაციების საკუთარი მაღაზია აქვს.  

 

Mate 30 Pro 4G, 8/256 GB მეხსიერებით ღირს 1100 ევრო; 5G  ანალოგი 1200 ევრო; Mate 30, 8/128 GB მეხსიერებით 800 ევრო.

სმარტფონების ჩინელმა მწარმოებელმა Xiaomi-მ ინდოეთში წარმოადგინა სმარტ ტელევიზორების განახლებული სერია  Mi TV 4A და Mi TV 4X.

1-1 (1)

 

სერიაში Mi TV 4A წარმოდგენილია ერთადერთი ტელევიზორი, რომელსაც აქვს 40 დიუმის დიაგონალი და Full HD გაფართოება. სერიაში Mi TV 4X შედის სამი მოდელი დიაგონალებით 43, 50 და 65, რომელთაც აქვთ 4K გაფართოების მხარდაჭერა.

ოთხივე მოდელი აღჭურვილია 20 ვატიანი დინამიკებით Dolby და DTS ტექნოლოგიით. სამომხმარებლო ინტერფეისი PatchWall 2.0 მუშაობს Android TV 9.0 Pie-ს მეშვეობით. ტელევიზორებში რეალიზებულია ტრაფიკის ეკონომიის ფუნქცია. აქტივირებული Amazon Prime Video და Netflix აპლიკაციები.

2-2

 

ფლაგმანურ ტელევიზორს Mi TV 4X, 65 დიუმიანი ეკრანის  დიაგონალით აქვს გაფართოება 3840×2160,  ბევრად მეტი სიკაშკაშე, ვიდრე უმცროს მოდელებს და ფარავს NTSC-ის ფერთა დიაპაზონს 88%-ით. ტელევიზორი მუშაობს 4 ბირთვიან პროცესორზე Amlogic, გრაფიკულ ჩიპზე Mali-450 და აღჭურვილია 2 GB ოპერატიული მეხსიერებით. 
ტოპ მოდელს აქვს ორდიაპაზონიანი Wi-Fi და Bluetooth 5.0 კავშირის მხარდაჭერა ასევე პორტები HDMI, USB და Ethernet.
გაყიდვები ინდოეთში 29 სექტემრიდან დაიწყება. 65 დიუმიანი Mi TV 4X, 4K მხარდაჭერით ეღირება 780 დოლარი.

Apple-ის წლევანდელი ღონისძიების მთავარი პროდუქტები, სმარტფონები iPhone 11 Pro  და iPhone 11 Pro Max გახდნენ. დიზაინის თვალსაზირისით ახალი მოდელები მცირედით თუ განსხვავდება შარშანდელებისგან. მთავარი სიახლეები მათ ტექნიკურ მახასიათებლებს უკავშირდება.

11 (4)

 

iPhone 11 Pro-ს აქვს Super Retina OLED ეკრანი მინიმალური სისქის ჩარჩოებით. დისპლეის ზედა მხარეში ჭრილია. მისი ეკრანის დიაგონალი 5.8 დიუმს შეადგენს. iPhone 11 Pro Max -ის დიაგონალი კი, 6.5 დიუმია.

 

ვიზუალურად შარშანდელი მოდელებისგან ახალ აპარატებს გამოარჩევთ კორპუსის განსხვავებული ფერებით. ახალი iPhone 11 Pro და iPhone 11 Pro Max გაიყიდება მუქ მწვანე და ოქროსფერებში. 

 

ერთ-ერთი მთავარი სიახლე და მწარმოებლების სიამაყეა iPhone 11 Pro-ს მთავარი კამერა, სამი 12 MP სენსორით: ფართოკუთხოვანი, ტელეფოტო და ულტრაფართოკუთხოვანი. კამერას აქვს გაფართოებული დინამიური დიაპაზონით გადაღების ტექნოლოგია და ვიდეოს ჩაწერის ფორმატი 4K 60 კადრით წამში.  

ახალ კამერას აქვს ღამის გადაღების მხარდაჭერა, რომელიც დაბალი განათების დროს თავისით აქტიურდება. ფოტოგადაღების დროს აპარატი იღებს კადრების სერიას ოპტიკური სტაბილიზაციის სისტემით, რომელიც ხელის კანკალით კადრის გაფუჭების ალბათობას ამცირებს. შემდეგ სერია მუშავდება და ინტეგრირდება ერთ გაუმჯობესებული ხარისხის ფოტოდ. სმარტფონში რეალიზებულია სისტემა Deep Fusion, რომელიც ირჩევს საუკეთესო პიკსელებს 9 კადრიდან მაღალი ხარისხის ფოტოს შესაქმნელად. ტექნოლოგია სხვადასხვა პირობებში მუშაობს.

22 (4)

 

 

iPhone 11 Pro და iPhone 11 Pro Max მუშაობენ საფირმო პროცესორზე Apple A13 Bionic, რომელიც ექსპერტების აზრით დღეისათვის ყველაზე მწარმოებლურია სმარტფონებში. წინა თაობის ჩიპთან A12 Bionic-თან შედარებით, ახალში მწარმოებლურობა 20%-ით არის გაზრდილი. ენერგიის მოხმარება კი 30%-ით შემცირებული.  
მიუხედავად იმისა, რომ მწარმოებლურობა გაიზარდა, გაიზარდა ავტონომიური მუშაობის დროც. ახლა სტანდარტული iPhone 11 Pro დამოუკიდებლად იმუშავებს 4 საათით მეტ ხანს, ვიდრე მისი წინამორბედები. 

33 (4)
მნიშვნელოვანი ცვლილებები შეეხო ხმის ჟღერადობასაც. სახის ამოცნობით იდენტიფიკაციის ტექნოლოგიაში იდენტიფიკაციის დრო შემცირებულია 30%-ით. აპარატს აქვს წყლისა და მტვრისგან დაცვის IP68 სტანდარტი, რომლის წყალობითაც შეგიძლიათ ტელეფონი წყალქვეშ ჩაიტანოთ 4 მეტრზე ნახევარი საათის განმავლობაში.

 

გაყიდვები სავარაუდოდ 20 სექტემბრიდან დაიწყება.

30 წლის იუბილესთან დაკავშირებით Asus-მა წარმოადგინა ნოუთბუქი ProArt StudioBook One, რომელიც დიზაინზე მომუშავე პროფესიონალებისთვისაა განკუთვნილი. ნოუთბუქი პირველია, მათ შორის, რომელმაც ვიდეო ბარათი  NVIDIA Quadro RTX 6000 მიიღო, რომელიც 24 GB ვიდეომეხსიერებაზე,  GDDR6-ზე მუშაობს.

11 (2)

 

 

ProArt StudioBook One მუშაობს მეცხრე თაობის 8 ბირთვიან პროცესორზე  Intel Core i9-9980HK. კომპიუტერის გამორჩეული ნაწილია გრაფიკული პროცესორი Quadro RTX 6000. ბირთვების დიდი რაოდენობა: CUDA, RT და Tensor, ნოუთბუქს საშუალებას აძლევს მსუბუქად გაუმკლავდეს ყველაზე რთულ გრაფიკულ დავალებებს, ისეთს, როგორიცაა კომპიუტერული ანიმაციის რენდერი, 8K ვიდეოს მონტაჟი, და მასობრივ მონაცემთა დამუშავება. 

22 (2)

 

ნოუთბუქის ოპერატიული მეხსიერება DDR4 2666 შეადგენს 32 GB-ს. ძირითადი მეხსიერება კი 1 TB-ია. კომპიუტერი მუშაობს ოპერაციულ სისტემაზე  Windows 10 Pro.

StudioBook One აღჭურვილია 15,6 დიუმიანი ეკრანით UHD (3840 x 2160) მხარეთა შეფარდებით 16:9 და დამცავი მინით Corning Gorilla Glass 5. მონიტორს აქვს სერტიფიკატი PANTONE Validated და განახლების სიხშირე 120 Gz, რაც უზრუნველყოფს ფერთა გრაფიკის კომფორტულ და ხარისხიან დამუშავებას. ეკრანის სასარგებლო ველი 84%-ს შეადგენს.

 

33 (2)

კომპიუტერი დაცულია გადახურებისგან, რის გამოც თავისუფლად შეგიძლიათ იმუშაოთ მუხლებზე ან საწოლზე დადებულ მდგომარეობაში. გაგრილებისთვის გამოიყენება ინოვაციური რადიატორი, რომელიც ტიტანისგანაა შექმნილი და გამოიყენება აეროკოსმიურ მრეწველობაში.


 

ამ დროისათვის არ არის ცნობილი ნოუთბუქის ფასი და გაყიდვაში გამოსვლის თარიღი.

  1   2   3   4   5   6   7   8   9   10   11   12   13   14   15   16   17   18   19   20   მომდევნო >>

ზევით