არ არის გაყიდვაში


News_BEGE_720X272

Xiomi-მ ახალი პროდუქცია, მათ შორის თავისი პირველი 15 დიუმიანი ნოუთბუქი, სმარტფონის ჩარჩოს გარეშე ვერსიის მეორე სმარტფონი და ფლაგმანი Mi6-ის ზომაში გაზრდილი ვერსია გამოუშვა.

 

Xiaomi Mi Notebook Pro

ნოუთბუქს აქვს ნაცრისფერი მეტალის კორპუსი. დისპლეი დაცულია Gorilla Glass 3 მინით. თაჩპედში ჩაშენებულია თითის ანაბეჭდების სკანერი. კლავიატურა Mi Notebook Pro ფერადია და 19%-ით მეტია, ვიდრე ამავე დიაგონალის მქონე MacBook Pro-ს აქვს.

კორპუსში ჩაშენებულია HDMI ჯეკი, ორი USB-A, SD - ბარათის რიდერი, ორი USB Type-C და 3.5 მილიმენტრიანი კონტექტორი ყურსასმენებისთვის. ნოუთბუქის წონა 1.95კგ. ზომები - 360,7 × 243,6 × 15,9 მმ. ბატარეა Mi Notebook Pro სწრაფად, 35 წუთში 50%-თ იტენება.

ნოუთბუქი პროცესორ Intel Core i5, ან i7-ის Coffee Lake თაობაზე მუშაობს. კორპუსში ჩაშენებულია სლოტი დამატებითი დისკისთვის. გრაფიკას უზრუნველყოფს  NVIDIA GeForce MX150 ვიდეო ბარათი. ოპერატიული მეხსიერება - 8 ან 16 GB.

Xiaomi Mi MIX 2

Mi MIX 2-ს აქვს 5.99 დიუმიანი დისპლეი, 18:9 თანაფარდობით. დიზაინი თითმის არ შეცვლილა. მხოლოდ ქვედა ჩარჩო შემცირდა. სმარტფონის კორპუსი კერამიკისაა. კამერის ობიექტივი ოქროს ჩარჩოშია მოქცეული. ჩარჩოების არარსებობის გამო ფრონტალური კამერა ქვედა ნაწილში გადავიდა. გამოსულია Mi MIX 2 -ის სპეციალური, თეთრი ვერსიაც.

Xiaomi Mi Note 3

Mi Note 3, Mi 6-ის გაზრდილი ვერსიაა. მათ ერთნაირი დიზაინი აქვთ, მეტალის ჩარჩოთი და მინის უკანა პანელით. სმარტფონმა ორმაგი 12 MP კამერაც მიიღო მემკვიდრეობით ორგმაგი ოპტიკური ზუმით. თითის ანაბეჭდების სკანერი დისპლეის ქვეშაა განლაგებული.

პროცესორი - Snapdragon 835 და Snapdragon 660  საშუალო საფასო სეგმენტისთვის. დისპლეის დიაგონალი შეადგენს 5.5 დიუმს, გაფართოება 1920×1080 პიქსელი.

როგორც ვხვდებით Xiomi ამსხვრევს სტერეოტიპს ჩინური ბრენდების ხარისხის შესახებ და სულ უფრო მეტად დახვეწილ ტექნიკას გვთავაზობს.


iPhone 8 და iPhone 8 Plus

12 სექტემბერს 2017 წლის ყველაზე მოლოდინით სავსე ღონისძიება გაიმართა. Apple-ის გენერალურმა დირექტორმა ტიმ კუკმა კომპანიის ახალი პროდუქტი, მათ შორის iPhone 8 და 8 Plus, ასევე საიუბილეო და წარმოუდგენლად ძვირი iPhone X წარმოადგინა. პრეზენტაცია ახლახან გახსნილ სტივ ჯობსის სახელობის თეატრში შედგა, რომელიც კალიფორნიაში Apple Park-ის ინოვაციურ კამპუსში მდებარეობს.

iPhone 8 და iPhone 8 Plus


Apple-ის ლოგიკას რომ გავყოლოდით, წელს iPhone 7S უნდა გამოსულიყო,. თუმცა ახალი სმარტფონები რვიანი სერიით გამოვიდა, ამის მიუხედავად ისინი iPhone 7-ის აფგრეიდს წარმოადგენენ.


სმარტფონის დიზაინი წინა თაობის ვიზუალს იმეორებს, თუმცა უკანა პანელი ახლა უკვე შუშის აქვს. Apple-ში აცხადებენ, რომ ეს მსოფლიოში ყველაზე გამძლე და მყარი მინაა. ეკრანის დიაგონალიც იგივე დარჩა: 4.7 დიუმი -  iPhone 8-ზე და 5.5 დიუმი -  iPhone 8 Plus-ზე. მათ მახასიათებლებში ისევ რჩება IP67 სტანდარტის მტვრისა და ნესტისგან დაცვა.

მთავარი ინოვაცია კი 6 ბირთვიანი ჩიპსეტი A11 Bionic-ია. 4,3 მილიარდი ტრანზისტორის გარდა, მის შემადგენლობაში შედის Apple-ის მიერ დამუშავებული გრაფიკული ჩიპი, Metal 2 Framework მხარდაჭერით. A11 Bionic-ს გამოსახულების უძლიერესი პროცესორიც აქვს, რაც სწრაფი ფოკუსირების საშუალებას იძლევა ყველაზე ცუდი განათების პირობებშიც კი. მთავარი კი, რაც ამ პროცესორს ახასიათებს -Portrait Lightning-ია. პორტრეტის გადაღების დროს ტექნოლოგია ცვლის განათებას და ახდენს შუქის სხვადასხვა წყაროს იმიტირებას.

iPhone 8 აღჭურვილია 12 მეგაპიქსელიანი ოპტიკური სტაბილიზაციის მქონე კამერით. iPhone 8 Plus კი ორი 12 მეგაპიქსელიანი f/1.8 დიაფრაგმიანი კამერით.

Apple-მა უდიდესი ყურადღება დამატებით რეალობას დაუთმო, როგორც კამერის სრულიად ახალ ფუნქციას. ახლა უკვე შეძლებთ მაგალითად თანავარსკვლავედის პროექციას. ტელეფონით ისეთი თამაშებით გართობასაც შეძლებთ, რომლის მოვლენებიც რეალურ სამყაროში ვითარდება, მონაწილეები კი უბრალოდ თამაშს აკონტროლებენ.

iPhone 8-ს საწყისი ფასი $699 იქნება. iPhone 8 Plus-ის კი $799.

iPhone X: მომავლის სმარტფონი

iPhone X - საიუბილეო მოდელი. სწორედ მას ელოდა ყველა და როგორც Apple-ში ამბობენ, სწორედ ის განსაზღვრავს სმარტფონის განვითარების გზას, მომავალ ათწლეულებში. მეტალის კორპუსს მინის უკანა პანელი და უსაზღვრო დისპლეი აქვს.  Super Retina ეკრანი შექმნილია 5.8 დიუმიანი OLED მატრიცის 2 436 × 1 125  გაფართოებით.

ყველაზე საოცარი კი სახის ამომცნობი სისტმა Face ID-ია, საკმარისია, შეხედოთ iPhone X და ის მაშინვე განიბლოკება. iPhone X სახის მოდელს 30 ათასი წერილისგან ქმნის და მისი ადაპტირების შესაძლებლობა აქვს ფიზიკური ცვლილებების (წვერის მოშვება, ან თმის შეღებვა) პირობებშიც კი. Apple-ში ამტკიცებენ, რომ Face ID-ის შეცდმის ალბათობა 1 : 1 000 000, ამიტომ მისი მოტყუება შეუძლებელია.

iPhone X საწყისი ფასი $999 იქნება.


Kzen_NEWS_720X272

KZEN მობილური ტელეფონების ახალ ინოვაციურ ბრენდს და ტექნიკის მსოფლიო მარკეტის ახალ, დინამიურ მოთამაშეს წარმოადგენს. სახელი KZEN  იაპონური სიტყვა KAIZEN-დან მომდინარეობს, რაც ზოგადად გაუმჯობესებას და პროგრესს ნიშნავს.

 

სახელი კომპანიისთვის შემთხვევითი არ არის, რადან ის სწორედ დინამიური პროგრესისკენ, თავისი პროდუქტების ხარისხით, უახლესი მახასიათებლებითა და ტექნოლოგიებით აღჭურვისკენაა მიმართული.

KZEN უკვე 50 წელია მნიშვნელოვან რეგიონალურ მოთამაშეს წარმოადგენს. დუბაიში შეიქმნა და იწარმოება ჩინეთში. კომპანია უკვე რამდენიმე წელია, მსოფლიო ბაზრის განუყოფელი ნაწილი გახდა.

ბრენდი მარტივ ტელეფონებს, სმარტფონებს, ტაბლეტებს, ვიდეო კამერებს, დრონებსა და სხვადასხვა აქსესუარებს აწარმოებს.

KZEN-ის ტელეფონები ამიერიდან ჩვენს ინტერნეტ-მაღაზიაშიც შეგიძლიათ შეიძინოთ, საკმაოდ ლიბერალურ ფასად. ბრენდის სმარტფონები ყველა იმ მახასიათებლით არის აღჭურვილი, რომელიც თანამედროვე მოთხოვნებს პასუხობს.


12 სექტემბერს iPhone 8 ოფიციალური პრეზენტაცია გაიმართება. Apple სამ ახალ მოდელს გამოუშვებს. iPhone X 5.8 დიუმიანი OLED-დისპლეით და ორ სხვა მოდელს, LCD ეკრანითა და 5.2; 5.5 დიუმიანი ეკრანებით.

BEGE_NEWS_720X272

მთლიან პანელზე გაშლილი რბილი OLED დისპლეი და განახლებული სენსორი ანაბეჭდების სკანირებისთვის, ეს ჯერ კიდევ არ არის ყველაფერი, რითიც ახალი მოდელები იქნება აღჭურვილი.

Home-ის ღილაკი გახდება ვირტუალური. მისი ფუნქციები, მათ შორის, Touch ID ანაბეჭდების სკანირება ეკრანის გარკვეულ ადგილს დაიკავებს.

5.8 დიუმიანი მოდელის გაბარიტები ისეთივე იქნება, როგორიც 4.7 დიუმიან iPhone 7-ს აქვს. ზომების შენარჩუნება კი შესაძლებელი გახდება ჩარჩოების მოცილების საშუალებით.

ეკრანის ძირითადი ნაწილი დაიკავებს 5.15 დიუმს, დანარჩენი ველი კი “ფუნქციონალური ზონისთვის” იქნება განკუთვნილი. მასზე განთავსებული იქნება ვირტუალური ღილაკები და თითის ანაბეჭდის სკანერი.

 

ფლაგმანის პროცესორი Apple 11-ის პლატფორმაზეა აწყობილი. ეს ჩიპსეტი 10 ნანომეტრიან ტექპროცესორზეა დაფუძნებული და გვპირდება, რომ იქნება ბევრად უფრო სწრაფი, ვიდრე წინა მოდელები.

გაიზრდება მეხსიერების მოცულობაც. iPhone 8-s მაქსიმალური მეხსიერება შეადგენს 128 GB, iPhone 8 Plus-ის კი - 256 GB.

წინა პანელიდან გაქრება ფრონტალური კამერა - მის ფუნქციას შეითავსებს მატრიცული ეკრანი. მატრიცის დიდი ფიზიკური ზომა გაზრდის სელფი კამერის ხარისხს.  ძირითადი კამერის გაფართოება გაიზრდება 16-20 მეგაპიქსელამდე, ფრონტალურის კი 8 მეგაპიქსელამდე და ის აღჭურვილი იქნება LED განათებით.

ფლაგმანის ფასი შეადგენს $1000 მეტს.

 


Bege_News_720X272

სულ რაღაც 10 წლის წინ microSD ბარათის მოცულობა 8 GB შეადგენდა. ახლა კი SanDisk-ის მიერ გამოშვებული ახალი ბარათის მეშვეობით მობილურის მეხსეიერების გაზრდა მთელი 400 GB-ით გახდება შესაძლებელი.

1


IFA-ს გამოფენაზე, რომელის ბერლინში 1-იდან 6 სექტემბრამდე იმართება, კომპანია Western Digital-მა SanDisk-ის ბრენდის ქვეშ წამოადგინა microSD ბარათი 400 GB მოცულობით. ის არა მხოლოდ რეკორდული ტევადობით გამოირჩევა, არამედ ფლობს A1 სიჩქარის კლასსაც, რაც აპლიკაციების უფრო სწრაფად გადმოწერის საშუალებას იძლევა.

მწარმოებლები გვპირდებიან რომ მონაცემების გადაცემის სიჩქარე შეადგენს 100MB-მდე წამში (როგორც კომპანიაში ამბობენ, ეს 1200 ფოტოა წუთში).

ბარათის საორიენტაციო ფასი შეადგენს $250.


Bege_News_720X272

დამატებითი რეალობა ვირტუალურისგან იმით განსხვავდება, რომ მასში გადასასვლელად, გარე სამყაროსგან იზოლირება საჭირო არ არის. ამიტომ Mira Prism-ის შემქმენელები შემოიფარგლნენ iPhone-სთვის სათვალის მარტივი კონსტრუქციის შექმნით. სმარტფონი ამ შემთხვევაში მუშა სადგურისა და გამოსახულების წყაროს როლს ასრულებს, სათვალეებით კი დამატებით რეალობას ვუყურებთ.

სათვალე მსუბუქი, ნაკლებად შესამჩნევია და დამატებითი რეალობის სისტემის გამორთვის შემთხვევაში, გამოყენებისას პრობლემას არ ქმნის. აქტიურ რეჟიმში ის 60 გრადუსით ფარავს თვალთახედვას. სურათი ოკულარების შიდა ზედაპირზე ახდენს პროეცირდებას 1334ხ750 პიქსელით, ისევე როგორც iPhone-ში. ის იქმნება შესაბამისი პროგრამით და მთელი სისტემის სამართავად მოყვება დისტანციური პულტი.

ფორმალურად Mira Prism თავსებადია iPhone 6, iPhone 6S и iPhone 7-თან, რეალურად კი ყველა გაჯეტთან, რომელსაც აქვს  iOS-ის მხარდაჭერა. ფსონი იდება Apple-ის ARkit ინსტრუმენტების პაკეტზე, რომელიც არაოფიციალურად ბრენდის განვითარების წამყვანი მიმართულება გახდება.


გაჯეტი გაყიდვებში მიმდინარე წლის შემოდგომით გამოვა და საწყისი ფასი $99 იქნება. ამ დროისთვის კი თამაშებისა და გასართობი კონტენტის მწარმოებლებმა წესით კონტენტი უნდა მოამზადონ.

 


News_BEGE_720X272

ამ დღეებში Meizu-მ M6 Note-ის პრეზენტაცია ოფიციალურად შედგა. კომპანიის M ხაზის უახლესი სმარტფონი Snapdragon 625 ჩიპსეტით არის აღჭურვილი და Meizu-ს პირველი სმარტფონია, Qualcomm ჩიპსეტით.

M6 Note 5.5 დიუმიან დისპლეის ფლობს Full HD გაფართოებით. ეკრანთან აქვს თითის ანაბეჭდების სკანერი, რომელიც Home-ის აღმნიშვნელი ღილაკის ფუნქციასაც ასრულებს.

M6 Note ორმაგი კამერითაა აღჭურვილი, რომელიც სმარტფონის უკანა მხარესაა განლაგებული. ის  Sony IMX362 -ზეა დამყარებული f/1.9 დიაფრაგმით. წინა პანელზე ფრონტალური 5 მეგაპიქსელიანი კამერა აქვს.

Meizu M6 Note  მუშაობს Android 7.1.2 Nougat ოპერაციულ სისტემაზე. სმარტფონის კვებას უზრუნველყოფს 4000 mAh აკუმულატორი, რომელიც 18 W-იან სწრაფ დატენვას უზრუნველყოფს.

Meizu M6 Note 3 ვერსიით გამოდის და ერთმანეთისგან მეხსიერების მოცულობით განსხვავდება. პირველ ვერსიას 3GB ოპერატიული მეხსიერება და 16 GB შიდა მეხსიერება აქვს. მეორე ვარიანტს ოპერატიული მეხსიერება ასევე 3 GB-იანი აქვს, შიდა მეხსიერება კი 32 GB-იანი. მესამე ვერსიაში ოპერატიული მეხსიერების მოცულბა 4 GB-მდე იზრდება, შიდა მეხსიერების ზომა კი 64 GB-მდე.

შესაბამისი იქნება სმარტფონების ფასით. მომხმარებელი M6 Note-ს  სამ ფერში: ოქროსფერში, ცისფერსა და შავში იხილავს.


 

BEGE_NEWS_720X272

24 აგვისტოს Samsung-მა თავისი ახალი ფლაგმანი Galaxy Note 8 წარმოადგინა, რომელიც როგორც ველოდებოდით, თითქმის არაფრით განსხვავდება Galaxy S8-სგან.

დისპლეის დიაგონალი 6.3 დიუმია, გაფართოება - 2960 х 1440. გამოყენებულია Super AMOLED მატრიცა და შესაბამისად Always On Display ტექნოლოგია. რაც იმას ნიშნავს, რომ ინფორმაცია (მაგალითად საათი და დატენვის დონე) ეკრანზეა გამოსახული, იმ შემთხვევაშიც კი, თუ სმარტფონი დაბლოკილია. ეკრანი მეხუთე თაობის Gorilla Glas-ის დამცავი მინით არის დაფარული.

1-3

პრეზენტაციის დროს კომპანიის წარმომადგენლებმა განაცხადეს, რომ სმარტფონში ჩამონტაჟებულია ბოლო თაობის მატრიცა “საუკეთესო ფერებით” და “ფერების ახალი პროფილებით”.

რაც შეეხება საინტერესო დეტალებს: შესაძლებელია დაინტერესდეთ Live-note-ის შექმნის შესაძლებლობით, რომლის გაგზავნაც შექმნისთანავე შეგიძლიათ GIF-ანიმაციის სახით.

2-1

Galaxy Note 8 კომპანიის პირველი სმარტფონია, რომელიც 12 მეგაპიქსელიანი მოდულის, ორმაგი ძირითადი კამერითაა აღჭურვილი. როგორც ველოდებოდით ერთი ობიექტივი ფართოკუთხოვანია, მეორე კი ფართოფოკუსიანი, ორმაგი ოპტიკური ზუმით. გარდა იმისა, რომ სმარტფონს გამოსახულების გადიდება შეუძლია ხარისხის გაფუჭების გარეშე, ის ხარისხიან ფოტოს ცუდი განათების დროსაც იღებს და შეუძლია უკანა ფონის დრაპირება.

როგორც ყოველთვის Galaxy Note ახლაც სხვადასხვა ბაზრისთვის სხვადასხვა პროცესორით გაიყიდება. ზოგ ქვეყანაში ფლაგმანი Snapdragon 835-ით მოხვდება, სხვაგან კი Exynos 8895-ით. ოპერატიული მეხსიერება 6 GB-ია, შიდა მეხსიერება კი - 64 GB. სმარტფონი  Android 7.1.1. ვერსიაზე მუშაობს და რვიანზე განახლების წვდომა აქვს, მაგრამ ეს მოგვიანებით მოხდება.

3-1

სმარტფონი IP68 სტანდარტითაა დაცული და წყალში 1.5 მეტრის ქვეშ ნახევარი საათით ძლებს. აკუმულატორის მოცულობა 3300 mAh-ია. აღჭურვილია თითის ანაბეჭდის სკანდერით.

სარეკომენდაციო ფასი ევროპისთვის 999 ევროა. გაყიდვები 15 სექტემბრიდან დაიწყება. ზოგ ქვეყანაში წინასწარ შეკვეთა უკვე შესაძლებელია.

Samsung-ის ახალმა სმარტფონმა მიმომხილველთა კრიტიკა დაიმსახურა, უმთავრესად S8-სთან მსგავსების გამო, რის გამოც, ითქვა კიდეც, “ეს არის Note სერიის დასასრულის დასაწყისი”.


BEGE_NEWS_720X272



მზის დაბნელებას აშშ-ში უფრო მეტი ადამიანი ელოდა, ვიდრე Android-ის ახალი ვერსიის გამოშვებას, რაც ლოგიკურია: Android წელიწადში ერთხელ ნახლდება, მზის მორიგ სრულ დაბნელებას კი უფრო დიდ ხანს უნდა ველოდოთ. ახალი Android კოდური სახელწოდებით Oreo, მომხმარებელს ახალი სლოგანითაც ეგებება “უფრო ჭკვიანი, სწრაფი, ძლიერი, ტკბილი”.

უფრო ჭკვიანი

  • Ambient Screen. შემომავალი შეტყობინება გამოირჩევა უფრო დიდი შრიფტით და შეტყობინებასთან წამიერი წვდომით.
  • პრინტერის ინტეგრირებული მხარდაჭერა. Android-ის ბაზაზე არსებული მოწყობილობები ამიერიდან შეძლებენ Mopria-ს სერტიფიკატის მქონე ყველა პრინტერთან მუშაობას, რაც მსოფლიო პირნტერების 97% შეადგენს. 
  • მინიშნებები მენიუს პუნქტებზე. 
  • შეტყობინების კატეგორია: უფრო დაწვრილებითი და საფუძვლიანი კონტროლი იმაზე, თუ რა შეტყობინებები გამოგიჩნდებათ და რა სახით.

1

უფრო სწრაფი

    • ორჯერ უფრო დაჩქარებული მოწყობილობის ჩართვა. 
    • გაზრდილი კონტროლი ფონურ პროცესებზე სისტემის საერთო წარმოების გასაუმჯობესებლად. 
    • ფონური მოთხოვნების ადგილმდებარეობის შეზღუდული სიხშირე მეტი ავტონომიისთვის. 
    • Project Treble მოდულის არქიტექტურა, რომელიც აჩქარებს და ამარტივებს Update-ს. - ყველაზე მთავარი ცვლილება ანდროიდში ამ დროისათვის.

უფრო ძლიერი

• ამიერიდან პროგრამები შეძლებენ გამოიმუშაონ ვიზუალურად ბევრად მდიდარი კონტენტი, უფრო მკვეთრი ფერებით და თხელი გრადაციებით. 
   • Google Play Protect-ის გაუმჯობესებული მხარდაჭერა, ტექნოლოგიის რომელიც ახდენს დღეში 50 მილიარდი პროგრამის სკანირებას, რათა უზრუნველყოს თქვენი მოწყობილობისა და ინფორმაციის უსაფრთხოება. 
   • “ფანჯარა ფანჯარაში”. ბევრი დავალების მიცემის გადამუშავებული რეჟიმი, რომელშიც ერთ-ერთი პროგრამა მუშაობს საშუალო ზომის ფანჯარაში და პარალელურად მიმდინარეობს ძირითად პროგრამასთან ურთიერთქმედება.

ტკბილი

   • ადაპტირებული იკონკები. მწარმოებლები თავისი პროდუქტის იკონკების წარმოდგენას ველის გარეშე შეძლებენ, OEM-ის მწარმოებლები კი მათ წარმოებას მოწყობილობის ინტერფეისის დიზაინის შესაბამისად მოახერხებენ. 
   • ახალი აპლიკაია, რომელიც საშუალებას იძლევა ბმულების საშუალებით გადააგზავნოთ ფაილები. 
   • მაღალი კლასის აუდიოს მხარდაჭერის აპლიკაცია. 
   • ტექსტის ზომის ავტომატური შერჩევა Textview-ს საშუალებით, რაც უფრო ამარტივებს ტექსტის ზომის ოპტიმიზრებას  
   • სხვადასხვა ზომის ეკრანზე იმ შემთხვევაში, თუ მასზე გამოსახულია დინამიური კონტენტი. 
   • Wi-Fi ასისტენტი. ავტომატურად ერთვება საუკეთესო ღია Wi-Fi-სთან და უსაფრთხოების მიზნით შეერთებას ახორციელებს VPN-ის საშუალებით.
   • ახალი სმაილები 
როგორც ზემოთ ჩამოთვლილი მონაცემებიდან ჩანს, Android Oreo არც ისეთი დიდ სიახლეებს გვთავაზობს და მარტივად შეეძლო 7.5 ვერსიის მიღება, მაგრამ რადგან ამ წელს რვიანი მოდაშია, Google-მაც გადაწყვიტა ახალ ტრენდს აყოლოდა. Update-მა უკვე დაიწყო გავრცელება. პირველი, ვინც მას მიიღებს იქნება Pixel-ის სმარტფონები და Nexus-ის ძველი თაობა, Pixel-ის პლანშეტი და Nexus Player. წლის ბოლოს Oreo ხელმისაწვდომი გახდება ბრენდებისთვის: Essential, General Mobile, HMD, Huawei, HTC, Kyocera, LG, Motorola, Samsung, Sharp, Sony.

1

Nokia-ს გულშემატკივრები ერთ დროს საუკეთესოდ მიჩნეული ბრენდის დაბრუნებას დიდი ხანია ელოდნენ და ეს დღეც დადგა. ბაზარზე სულ რამდენიმე თვეა დაბრუნდა და რამდენიმე დღის წინ გაყიდვაში Nokia 8 გამოუშვა. 6000 სერიის პრიალა ალუმინის მასალა და ინოვაციური შესაძლებლობები - ეს არის ბრენდის ახალი ფლაგმანი, Nokia 8 და სანამ მოდელი საქართველოს ბაზარზე გამოჩნდება, ჩვენ მის მახასიათებლებზე მოგიყვებით.

 


სმარტფონი აღჭურვილია 5.3 დიუმიანი QHD რეზოლუციის IPS LCD ეკრანით, Snapdragon 835-ის ჩიფსეტით, 4 და 6 გიგაბაიტიანი ოპერატიული მეხსიერებით(LPDDR4X), 64 და 128 გიგაბაიტიანი შესანახი მეხსიერებით(UFS2.1), IP54 სერთიფიკატით, წყლის მომენტალური გადასხმისგან დაცვისთვის, USB3.1, OZO-ს სტერეო აუდიო სისტემით, 3.5 მილიმეტრიანი აუდიო ჯეკით, 3 მიკროფონითა და 3090 მილიამპერიანი ბატარეით.


Nokia 8-ს 14 მეგაპიქსელიანი გაფართოების,  ფერადი და მონოქრომული სენსორებიანი უკანა ორმაგი კამერა და ფართოკუთხიანი, ავტოფოკუსიანი ფრონტალური კამერა აქვს. ორივე კამერა აღჭურვილია ZEISS -ის ლინზებით.


ჰოლივუდის ტექნოლოგია შენი ხელის გულზე - Nokia-ს ინოვაციაა. Nokia 8 კაცობრიობის ისტორიაში პირველი ტელეფონია, რომლის კამერასაც შეუძლია გადაიღოს 4K ვიდეო, OZO-ს ტექნოლოგიის 360 გრადუსიანი ხმის ჩაწერის შესაძლებლობით. ეს არის ტექნოლოგია, რომელსაც ჰოლივუდის კინემატოგრაფისტები და კინოპროდუსერები იყენებენ.


Nokia 8 აწყობილია Qualcomm® Snapdragon ™ 835 Mobile პლატფორმაზე, რაც ელემენტის სამუშაო დროის გაზრდას ემსახურება.  სპეციალური სპილენძის მილები, გრაფიტის საფარით, უზრუნველყოფს სითბოს განაწილებას მთელ კორპუსზე, რათა არ მოხდეს კონკრეტული დეტალების გადახურება.


Nokia 8-ს Android 7.1.1. ოპერაციული სისტემა აქვს Android 8.0.0 ვერსიის update-ის შესაძებლობით.


მიუხედავად, იმისა, რომ ბაზარზე სულ ახლხანს გამოჩნდა, Nokia ერთ-ერთი ყველაზე ძლიერი ტექნოლოგიური ბრენდის სახელის დაბრუნებას გეგმავს და ტელეფონების შესაბამის აღჭურვილობას გვთავაზობს. ასე რომ დაველოდოთ.


  1   2   3   4   5   6   7   8   9   10   11   12   13   14   15   16   17   18   19   20   მომდევნო >>

ზევით